काठमाडौं ।
नेपालले एसीसी महिला प्रिमियर कपको सेमिफाइनलमा नेपाल मलेसियासंग पराजित भएको छ ।
शुक्रबार सम्पन्न सेमिफाइनलमा मलेसियाले नेपाललाई ४ विकेटले पराजित गरेको हो ।
मलेसियास्थित बायुएमास ओभलमा टस जितेर पहिला ब्याटङ गरेको नेपालले निर्धारित २० ओभरमा ६ विकेट गुमाउँदै ११५ रन जाडेको थियो ।
११६ रनको विजयी लक्ष्य पच्छ्याएको मलेसियाले निर्धारित ओभरमा ६ विकेट गुमाउँदै पुरा गर्यो ।
नेपालका लागि कप्तान इन्दु बर्माले सर्बाधिक २९ रन बनाएकी थिइन् भने कविता कुँवरले २३, रुबिना क्षेत्रीले २०, सिता राना मगरले ६, डोली भट्टले २५ र कविता जोशीले २ रन बनाएकी थिइन् ।
यो जितसंगै आयोजक मलेसियाले प्रतियोगिताको फाइनलमा युएईसँग खेल्ने छ । यससँगै युएई र मलेसिया २०२४ मै हुने महिला एशिया कपमा छनौट भएका छन् ।
प्रतिक्रिया