विद्यालयमा “सिक्दै कमाउदै, कमाउदै सिक्दै” कार्यक्रम अन्तर्गत विद्यार्थीहरुले गरे अदुवा खेती सुरु

धादिङको थाक्रे गाउँपालिका वडा नम्बर ४ तसर्पूमा रहेको महाकाली माध्यमिक विद्यालयका विद्यार्थीहरुले अदुवा खेती सुरु गरेका छन।
महाकाली माध्यमिक विद्यालयमा “सिक्दै कमाउदै, कमाउदै सिक्दै” कार्यक्रम अन्तर्गत अदुवा खेती सुरु गरेका हुन्।

शिक्षा विकास निर्देशनालय, हेटौडाको आर्थिक सहयोगमा “सिक्दै कमाउदै, कमाउदै सिक्दै” कार्यक्रम सञ्चालन गरिएको विद्यालयका प्रधानाध्यापक टेकमान श्रेष्ठले जानकारी दिनु भयो।

“सिक्दै कमाउदै, कमाउदै सिक्दै”कार्यक्रम २०८०/८१ अन्तर्गत अदुवा खेतीका लागि विद्यालय व्यवस्थापन समितिका पदाधिकारीहरु,शिक्षकहरु र विद्यार्थीहरुको सहभागितामा ५ रोपनी ३ आना जग्गामा अदुवा लगाउने काम सम्पन्न भएको प्रधानाध्यापक श्रेष्ठले बताउनु भयो ।

विद्यालयले अब आगामी दिनमा अदुवा लगाइएको बारीमा छापो हाल्ने र बाँकी रहेको जग्गामा तरकारी तथा फलफूलका विरुवा लगाउने तयारि गरेको छ।