देशभर वर्षा, आज र भोलि उच्च सतर्कता अपनाउन मौसम पूर्वानुमान महाशाखाको अनुरोध

पछिल्लो २४ घण्टामा देशभर वर्षा भएको छ  ।विशेष गरेर बागमती, गण्डकी र लुम्बिनी प्रदेशका धैरै स्थानमा र बाँकी प्रदेशका थोरै स्थानहरूमा भारी देखि धेरै भारी वर्षा भएको मौसम पूर्वानुमान महाशाखाले जनाएको छ ।

नदी किनार र होचो भूभागमा बसोबास गर्नेहरूले उच्च सावधानी अपनाउनुपर्ने महाशाखाले सूचनामार्फत भनेको छ ।गण्डकी प्रदेशको स्याङ्जा, कास्की, पर्वत आसपासमा तथा लुम्बिनी प्रदेशको पाल्पा, दाङ, अर्घाखाँचीलगायतका स्थानहरूमा अति भारी बर्षा (२०० मिलिमिटरभन्दा बढी) समेत भएको छ ।

“अहिले पनि देशका अधिकांश स्थानहरूमा वर्षा भइरहेको र अझै पनि वर्षा हुने सम्भावना रहेकोले आज र भोलि विशेष उच्च सतर्कता अपनाउनु हुन अनुरोध छ ।” महाशाखाले निकालेको सूचनामा भनिएको छ ।