‘एक्टिङ स्टार’को जुरीमा नीर, अनुप र ऋचा

काठमाडौँ । रियालिटी शो ‘एक्टिङ स्टार’ को जुरी सार्वजनिक गरिएको छ। आयोजकले अभिनयका बादशाह भनेर चिनिने नीर शाह, थुप्रै सफल कलाकारका गुरु अनुप बराल र चर्चित अभिनेत्री ऋचा शर्मालाई ‘एक्टिङ स्टार’ को जुरी भनेर सार्वजनिक गरेको छ। शोका लागि अहिले डिजिटल अडिसन चलिरहेको छ। जसका लागि एक हजारभन्दा बढीले सहभागिता जनाइसकेको निर्माण कम्पनी (महक मिडिया नेटवर्क)ले जानकारी दिएको हो। डिजिटल अडिसनबाट सेलेक्सनमा पर्न सफल व्यक्तिहरूलाई उनीहरूकै गाउँ ठाउँमा पुगेर सहभागिताको प्रमाण पत्र प्रदान गर्ने निर्माण टिमले जानकारि दिनुभयो। कार्यक्रममा सहभागी हुनका लागि डिजिटल अडिसन मार्फत बालकलाकार, युवा कलाकारको रुचि देखिएको छ। अभिनय कला प्रस्फुटन गर्ने उद्देश्यले ल्याउन लागिएको शोका निर्देशक विशाल भण्डारी रहेका छन्। एक्टिङ स्टार’ एपिवान टिभी मार्फत प्रसारण हुनेछ।