काठमाडौँ । आठौँ नेपाल अन्तराष्ट्रिय चलचित्र महोत्सव (निफ) बिहीबार बाट शुरू भएको छ । विश्वभरिका कथाहरुको उत्सव नेपाल अन्तर्राष्ट्रिय चलचित्र महोत्सव’ भन्ने नारा रहेको महोत्सवको राष्ट्रिय सभाका अध्यक्ष नारायण प्रसाद दाहालले उद्धाटन गर्नुभएको हो । कार्यक्रमका प्रमुख अतिथि एवं राष्ट्रिय सभाका अध्यक्ष नारायण प्रसाद दाहालले, ” निफको सफलताको शुभकामना ब्यक्ति गर्नुहुदैँ यतिधेरै चलचित्रहरू नेपालमा एकसाथ प्रदर्शनहुनु राम्रो पक्ष भएको बताए । उनले, विश्वको चलचित्रको बजारमा प्रतिस्पर्धा गर्न राष्ट्रिय तथा अन्तराष्ट्रिय दर्शकहरूबिचलाई भित्र्याउन आवश्यक रहेको बताए । “नेपालको सांस्कृतिक विविधता र प्राकृतिक सौन्दर्यतालाई अन्तराष्ट्रिय दर्शक माझ प्रस्तुत गर्न आवश्यक रहेको बताए । ” उनले, ‘विगत ८ वर्षदेखि अन्तराष्ट्रिय चलचित्रलाई नेपाली पर्दामा प्रस्तुत गर्दै आउनु निफको विशिष्टता रहेको बताए । ‘ निफले आफ्नो विशिष्टता, ऐतिहासिकता र महत्त्वपूर्ण यस महोत्सवमा प्रस्तुत गर्नु महत्त्वपूर्ण कुरा भएको बताए ।’
उनले,’चलचित्र उद्योगका लागि विश्वचलचित्र कर्मी र चलचित्र सँग सम्बन्धित पक्षलाई एकैठाउँमा ल्याउन यसले महत्त्वपूर्ण भुमिका खेल्ने बताए। ‘ “डिजिटल प्रविधि एआईको प्रयोगले सिनेमामा अवसर र चुनौतीहरू निम्ताएको छ । चुनौतीलाई अवसरमा परिणत गर्न चलचित्र कर्मी र निफले नयाँ प्रविधिलाई अपनाउने र नयाँ बजार खोज्न प्रेरित गरिरहेको बताए । नेपालका लागि पाकिस्तान एम्बेस्टर अव्रार हास्मीले, ‘नेपालले प्रदान गर्ने चलचित्र र सांस्कृतिक सब्यता र विविधता पाकिस्तानीहरूको लागि मात्र नभएर विश्वका सबै ब्यक्तिको लागि नेपाल आउन प्रेरणको श्रोत बन्न सक्ने बताए । उनले, सस्कृतिक आदानप्रदान र उजागर गर्न पाकिस्तानी र नेपाली फिल्म निर्माता, कलाकारले लगायतले सहकार्य गर्न आवश्यक रहेको छ । नेपाल पर्यटन बोर्डका उपाध्यक्ष कमल सापकोटाले, ” नेपाली चलचित्रलाई विश्वका दर्शकहरूलाई जोड्ने माध्यम निफ भएको बताए । पर्यटन र चलचित्र क्षेत्र एकापसमा अन्तरसम्बन्धले नेपालमा विदेशी पर्यटकहरू भित्र्याउन मद्दत हुने बताउए । उनले, एउटा चलचित्र हेरेको भरमा नेपालमा अन्तराष्ट्रिय पर्यटकहरू भित्रने माध्यम चलचित्र बन्न सक्ने बताए ।
बागमती प्रदेशको रजिस्ट्रार रेवती सापकोटाले, “बागमती प्रदेशले नेपाली चलचित्र क्षेत्रमा एक महत्त्व अवसरहरू खोजिरहेको बताए । उनले, नेपालमा डिप्लोम्याटिक मिसनलाई रूपान्तरण गरेर कलाकारहरूलाई सहयोग गर्नु पर्ने बताए । उनले, “फिल्महरूलाई निर्माणका कुरामा नयाँ पन आवश्यक रहेको र यसका लागि कानुन बनाउनुपर्ने बताए । रजिस्ट्रार सापकोटाले,” बागमती प्रदेशले विगत दुई बर्षदेखि सामुदायिक स्कुलमा कक्षा ९/१० का लागि फिल्म साक्षरता र स्क्रिप्ट राइटिङ सिकाउँदै आईरहेको बताए । उनले, ७ वटै प्रदेशहरू सँग मिलेर फिल्म सुट गर्नका लागि नयाँ अवसर र बाताबरण सिर्जना गर्नुपर्ने बताए । भारतका चलचित्र विश्लेषक रिता दत्तले, भारत सरकारले भारतका चलचित्रहरूलाई सहयोग गर्ने गरेको बताए । उनले, नेपाल सरकारले पनि यस्तो अन्तराष्ट्रिय महोत्सवलाई साथ सहयोग गर्नुुपर्ने बताए ।
उनले, स्वतन्त्र चलचित्र निर्माताहरूले निर्माण गरेका चलचित्रहरू पनि अन्तराष्ट्रिय महोत्सवमा प्रदर्शन गरिएकोमा खुसी ब्यक्त गरे । उनले, चलचित्रले कला र संस्कृति आदानप्रदान गर्न प्रमुख भुमिका निर्वाह गरेको छ ।
महोत्सव अन्तरगत नै आगामी शनिवार आयोजना हुने उक्त फिल्म डे मा रसियाको तीनवटा चलचित्र प्रदर्शन गरिनेछ । यसपटक महोत्सवमा ३ वटा अडियन्स च्वाइस अवार्ड र एआई अवार्ड थप पनि गरिएको छ । अडियन्स च्वाइस अवार्डको लागि चैत्र ७ गते देखि ११ गते दिनको ४ बजे सम्म खल्ती एप बाट भोटिङ गर्न सकिने ब्यवस्था गरिएको छ । समारोहको पहिलो दिन मिनबहादुर भाम निर्देशित चलचित्र ‘शाम्बाला’ प्रदर्शन आज प्रदर्शन भएको छ । ‘विश्वभरिका कथाहरुको उत्सव नेपाल अन्तर्राष्ट्रिय चलचित्र महोत्सव’ भन्ने नारा रहेको महोत्सवमा ४० देशका ८७ वटा चलचित्र छानिएको छ । महोत्सवमा देखाइने चलचित्रहरू बुसान, कान्स, लोकार्नो, बर्लिन आदि प्रतिष्ठित फेस्टिभलमा पनि प्रदर्शन भइसकेका छन् । महोत्सवमा अन्तर्राष्ट्रिय प्रतिस्पर्धा अन्तर्गत सर्वोत्कृष्ट फिचर फिल्मलाई १५ सय अमेरिकी डलर राशिसहित गौतम बुद्ध अवार्ड प्रदान गरिनेछ । सर्वोत्कृष्ट अन्तर्राष्ट्रिय वृत्तचित्रलाई एक हजार डलर राशिको माउन्ट एभरेस्ट अवार्ड र सर्वोत्कृष्ट अन्तर्राष्ट्रिय लघुचलचित्रलाई पाँच सय डलरको बागमती अवार्ड प्रदान गरिने जनाइएको छ । एआई चलचित्रलाई पाँच सय डलर राशिको मञ्जुश्री अवार्ड प्रदान गरिनेछ । नेपाली प्रतिस्पर्धाअन्तर्गत उत्कृष्ट फिचर फिल्मलाई एक लाख नगद र ट्रफी, उत्कृष्ट सर्ट फिल्म र उत्कृष्ट वृत्तचित्रलाई ५०–५० हजार नगद र ट्रफी प्रदान गरिनेछ । महोत्सवको अन्तिम दिन अर्थात चैत्र ११ गते ४ बजे संचार तथा सुचना प्रबिधीमन्त्री पृथ्वी सुब्बा गुरुङको प्रमुख अतिथ्यमा अवार्ड बितरण गर्दै महोत्सबको समापन गरिनेछ ।
प्रतिक्रिया