ठमेलमा खुल्दै नयाँ ओएसिस क्लब, शुक्रबार ग्राण्ड ओपनिङ

काठमाडौँ । ठमेलको प्रतिस्पर्धात्मक ‘क्लब’ बजारमा अर्को एक नाइट क्लब थपिने भएको छ । रात्रीकालीन व्यवसायमा लामो अनुभव सँगालिसकेका व्यवसायी युवा नवीन बुढाथोकीको टिमले ओएसिस क्लब एण्ड लन्ज सञ्चालनमा ल्याउन लागेको हो । चैत २२ गते शुक्रबार साँझ भव्य उद्घाटनसँगै ठमेलको नर्सिङ चोकमा ओएसिस क्लब सञ्चालनमा आउने बुढाथोकीले बताए । वाइबा बुद्धको सांगीतिक प्रस्तुतिसहित हुने ‘ग्राण्ड ओपनिङ’मा प्रवेशका लागि १ हजारको टिकट किन्नुपर्ने हुन्छ, जसबापत ग्राहकले सांगीतिक प्रस्तुति हेर्नका साथै एक क्यान बियर पाउनेछन् ।

‘ठमेलमा क्लबहरूबीच तीव्र प्रतिस्पर्धा छ’, उनले भने, ‘यस्तोमा हामीले ठमेलको सबैभन्दा हट, नयाँ क्लब स्थापना गरेका छौँ ।’ उनले ग्राहकको सन्तुष्टिप्रति पूर्ण जिम्मेवार भएर काम गर्ने प्रतिबद्धता पनि जनाए । ग्राण्ड ओपनिङको प्रमुख अतिथिमा कर्णाली प्रदेशका प्रथम मुख्यमन्त्री तथा हाल प्रतिनिधिसभा सांसद महेन्द्रबहादुर शाही, विशेष अतिथिहरूमा पूर्वमन्त्री तथा सांसद शेरबहादुर कुँवर, पूर्व गृहराज्यमन्त्री श्यामकुमार श्रेष्ठ, माओवादी नेता रमेश मल्ल र अभिनेता भुवन केसी रहनेछन् ।