युवा विद्यार्थीलाई श्रीजनशिल हुन मन्त्री दाहालको आग्रह

काठमाडौ। भौतिक पूर्वाधार तथा यातायात मन्त्री देवेन्द्र दाहालले समृद्ध नेपाल निर्माणको लक्ष्य प्राप्तिमा श्रृजनशिल भएर लाग्न युवा तथा विद्यार्थीहरुलाई आग्रह गर्नु भएको छ । नेकपा एमाले, झापा काठमाडौ सम्पर्क मञ्चको संयोजनमा शुक्रबार काठमाडौमा भएको विद्यार्थीहरुलाई वधाई ज्ञापन गर्ने कार्यक्रममा एमाले पोलिटव्युरो सदस्य समेत रहनु भएका उहाँले आफ्नो ज्ञान, शिप र क्षमता स्वदेशमानै उपयोग गर्दै समाजवादको लक्ष्य प्राप्ति तर्फ लाग्न समेत आह्वान गर्नुभयो । जीवन उपयोगी, व्यवसायीक तथा उत्पादनमूखी शिक्षालाई सरकारले प्रवद्र्धन गरि रहेको भन्दै मन्त्री दाहालले नेपालमा केहि भएन र केहि हुँदैन भनेर भ्रम छर्ने काम भई रहेको पनि बताउनुभयो ।
राजनीतिक अस्थिरताको अन्त्य गर्दै विकास निर्माण र समृद्धीको यात्रालाई प्रभावकारी बनाउन नेकपा एमाले पहिलो शक्ति हुन जरुरी रहेको पनि उहाँले बताउनुभयो । आगामी निर्वाचनमा एमालेलाई पहिलो शक्ति बनाउने गरि आआफ्नो क्षेत्रमा काम गर्न समेत उहाँको आग्रह छ । कार्यक्रममा झापाबाट काठमाडौ आई अध्ययन गर्ने क्रममा गत स्ववियु निर्वाचनमा विभिन्न क्याम्पसबाट निर्वाचित हुने अनेरास्ववियू सम्वद्ध विद्यार्थीहरुलाई बधाई ज्ञापन समेत गरिएको मञ्चका कार्यवाहक अध्यक्ष मनोज दाहालले जानकारी दिनुभयो ।