काठमाडौँ । काठमाडौँ जोरपाटी स्थित आमा मन्टेश्वरीले आफ्नो ९औ वार्षिकोत्सव विभिन्न कार्यक्रम गरि मनाएको छ । मन्टेश्वरीले वर्षिकोत्सवको अवसरमा विद्यार्थी, शिक्षक लगायतलाई सम्मान गर्नुका साथै विभिन्न साँस्कृतिक प्रस्तुती गर्दै कार्यक्रम गरेको छ । वर्षिकोत्सवको अवसरमा आमा मन्टेश्वरीले ग्र्याजुएट भएका विद्यार्थीलाई सम्मान गरेको छ । यसैगरि उत्कृष्ट पठनपाठन गराउन सफल मन्टेश्वरीका शिक्षक तथा कर्मचारीहरुलाई समेत हौसला स्वरुप मायाको चिनो प्रदान गरेको छ ।
कार्यक्रममा बोल्दै मन्टेश्वरीकि प्रिन्सिपल रोशनी खनालले प्रतिवेदन प्रस्तुत गर्दै मन्टेश्वरीले विभिन्न क्षेत्रमा हासिल गरेका उपलब्धि र आगामी कार्ययोजना बारे जानकारी दिनुभयो । उहाँले चाँडै बिद्यालय कक्षाको समेत पठन पाठन शुरु गर्ने तयारी मन्टेश्वरीले गरिरहेको बताउनुभयो । अहिले मन्टेश्वरीले पारीवारिक वातावरणमा न्यून शूल्कमा गुणस्तरीय शिक्षा प्रदान गरीरहेको भन्दै प्रिन्सिपल खनालले बिद्यालय बिस्तारपछी गुणस्तरीय शिक्षाका लागि अन्यत्र जानुपर्ने अवस्था मन्टेश्वरीले अन्त्य गर्ने बताउनुभयो ।
वार्षिकोत्सवको अवसरमा विद्यार्थीहरुले विभिन्न साँस्कृतिक कार्यक्रम समेत प्रस्तुत गरका छन् । विभिन्न पहिचान झल्किने गीतहरुमा विद्यार्थीहरुले निकै आकर्षक नृत्य प्रस्तुत गरे । यस्तै कतिपय विद्यार्थीहरुले गीत गाएर समेत मनोरञ्जन प्रदान गरेका छन् । वार्षिकोत्सवमा साना साना विद्यार्थीहरुको क्षमता विकास गर्ने उद्देश्यले नाटक समेत प्रस्तुत गराइएको थियो । वार्षिकोत्सवको अवसरमा विद्यार्थीहरुले कक्षामा सिकेका कुराहरुलाई व्यवहारिक रुपमा कसरी प्रयोग गर्न सकिन्छ भनेर बिभिन्न प्रस्तुतिहरु राखेका थिए ।
आमा मन्टेश्वरीले पछिल्लो समय पठन पाठनका साथै अतिरिक्त कृयाकलापलाई समेत जोड दिंदै आएको छ ।
प्रतिक्रिया