मनोज कुमार श्रेष्ठ एनआरएनए आईसीसी उपाध्यक्षमा निर्विरोध निर्वाचित, अनुभव, नेतृत्व र समर्पणका आधारमा नयाँ युगको सुरुवात

काठमाडौँ।गैरआवासीय नेपाली संघ (एनआरएनए) को हालै सम्पन्न एकता महाधिवेशनबाट अनुभवी अभियन्ता मनोज कुमार श्रेष्ठ ‘गोर्खाली’ अन्तर्राष्ट्रिय समन्वय परिषद् (ICC) को उपाध्यक्ष पदमा निर्विरोध निर्वाचित भएका छन्। श्रेष्ठको निर्वाचनसँगै एनआरएनएको नेतृत्व तहमा एक अनुभवी, निडर र समर्पित व्यक्तित्वको उदय भएको बताइएको छ। विगत एक दशकभन्दा बढी समयदेखि प्रवासी नेपालीको हकहितका लागि निरन्तर सक्रिय रहेका श्रेष्ठले संगठनको विभिन्न तहमा काम गर्दै आएका छन्।
एक दशक लामो सक्रियता र पाँच प्रमुख नेतृत्व अनुभवी श्रेष्ठको एनआरएनए यात्राले संगठनमा निरन्तर योगदान, नेतृत्व क्षमताको विकास र सेवा भावको स्पष्ट झल्को दिन्छ।

१. एनसीसी उपाध्यक्ष (युएई, २०११):
श्रेष्ठले एनआरएनएको नेतृत्व यात्रा युएईमा एनसीसी उपाध्यक्षका रूपमा सुरु गरे। त्यहाँ उनले प्रवासी नेपालीहरूको सामाजिक, आर्थिक र कानुनी हकहितमा उल्लेखनीय योगदान गरे।

२. आईसीसी सदस्य (२०१७):
अन्तर्राष्ट्रिय तहमा प्रवेश गर्दै श्रेष्ठले नीति निर्माण, संस्थागत समन्वय र रणनीतिक अभियानहरूमा सक्रिय भूमिका खेले।

३. मध्यपूर्व उप–संयोजक (२०१९):
श्रमिक बहुल र संवेदनशील मानिएको क्षेत्र मध्यपूर्वमा उनले नेपाली समुदायको सुरक्षादेखि लिएर संगठन विस्तारसम्म महत्त्वपूर्ण काम गरेका छन्।

४. मध्यपूर्व संयोजक (२०२१):
उप–संयोजकबाट संयोजक पदमा पदोन्नति भएपछि उनले उक्त क्षेत्रलाई एनआरएनएको सबैभन्दा सक्रिय, सशक्त र संगठित क्षेत्रको रूपमा विकास गरे। मध्यपुर्ब सम्योजक हुदा: ओमनको मस्कटको २०२३ मा भएको मध्यपुर्ब भेला बाट बर्सौ देखि पेन्डिङ भएको हजारे अभियान नेपाल सरकार बाट थोरै केही परिमार्जन गरि सामाजोक सुरक्षा कोषको स्थापित।

रोजगारिको सिलसिलामा विभिन्न कारणले विदेसिनु परेको राष्ट्रिय तथा अन्तर्राष्ट्रिय नेपाली खेलाडीहरु लाई एन.आर.एन.ए.स्पोर्ट एकाडिमीको संयोजको भिमिका निर्वहा गरि नेपालमा भएको आठौं र नबौ राष्ट्रिय खेलमा विभिन्न बिदामा १६ र २४ मेडल दिलाउन सफल ।।

५. आईसीसी प्रथम सचिव (२०२३):
कार्यसम्पादन संयोजन, आन्तरिक अनुशासन, पारदर्शिता र कूटनीतिक सम्वन्ध सुदृढीकरणमा उनले नयाँ अभ्यास प्रारम्भ गरे।

२०२५ मा उपाध्यक्ष पदमा निर्विरोध विजयी

श्रेष्ठको निर्विरोध विजयी हुनु आफैँमा संगठनभित्रको व्यापक समर्थन र उनप्रति रहेको विश्वासको प्रमाण हो। निर्वाचनपछि प्रतिक्रिया दिँदै उनले भने,”एनआरएनए मेरो लागि कुनै पद होइन, यो त पीडा बोकेका लाखौँ प्रवासी नेपालीको आवाज हो। म नेतृत्व गर्न होइन, सेवा गर्न आएको हुँ।”

आगामी कार्ययोजना: समावेशी, समृद्ध र डिजिटल एनआरएनए श्रेष्ठले आफ्नो नेतृत्वकालमा निम्न विषयलाई प्राथमिकता दिने स्पष्ट संकेत दिएका छन्: श्रमिक हितमा नीतिगत सुधार: खाडी तथा अन्य श्रमिक गन्तव्य राष्ट्रहरूमा कार्यरत नेपालीहरूलाई सुरक्षा, सहयोग र न्यायको प्रत्याभूति दिलाउने योजनामा उनी स्पष्ट छन्।

युवा तथा महिलाको समावेशिता: एनआरएनए नेतृत्व संरचनामा युवाहरू र महिलाको सक्रिय सहभागिता र प्रतिनिधित्व सुनिश्चित गर्ने योजना उनले अघि सारेका छन्।
आर्थिक कूटनीति र लगानी प्रवर्द्धन: प्रवासी नेपालीहरूलाई उद्यमशीलता, लगानी र आर्थिक सम्बन्धमा प्रेरित गर्न विश्वव्यापी आर्थिक अभियान संचालन गर्ने तयारी उनले गरिरहेका छन्। संस्थाको राजनीतिक निष्पक्षता र पारदर्शिता: एनआरएनएलाई राजनीतिक प्रभावबाट टाढा राख्दै पारदर्शी, जवाफदेही र उत्तरदायी बनाउने अठोट श्रेष्ठको स्पष्ट छ। डिजिटल र नवप्रवर्तनशील संरचना निर्माण: आधुनिक प्रविधिको प्रयोगमार्फत संगठनलाई प्रभावकारी र पहुँचयोग्य बनाउन उनी प्रतिबद्ध छन्।

‘गोर्खाली’ उपनामभन्दा परको पहिचान

श्रेष्ठलाई ‘गोर्खाली’ भनेर चिनिने भए पनि, उनको काम, सोच र सेवाभावले उनी यो उपनामभन्दा पनि गहिरो स्तरमा प्रवासी समुदायसँग जोडिएका छन्। उनी नेतृत्वमा जहाँ पुगे, त्यहाँ संगठनको सुदृढीकरण, सहयोगी भावना र समाजप्रति उत्तरदायित्वको उदाहरण प्रस्तुत गरे।

श्रेष्ठको नेतृत्वको आगमनसँगै एनआरएनएको आगामी कार्यकाल अझ प्रभावकारी, समावेशी र दूरदर्शी हुने विश्वास गरिएको छ।