किसानको चैते धानले उचित मुल्य नपाएको गुनासो पछि कृषि र उद्योगमन्त्री वीच छलफल, आवश्यक पहल गर्ने निर्णय

काठमाडौ । किसानले चैते धानको उचित मुल्य नपाएको गुनासो पछि कृषि तथा पशुपन्छी विकासमन्त्री रामनाथ अधिकारी र उद्योग वाणिज्य तथा आपुर्ति मन्त्री दामोदर भण्डारी वीच आज वाणिज्य मन्त्रालयमा छलफल भएको छ । छलफलमा दुवै मन्त्रालयका सचिव , खाद्य व्यवस्था तथा व्यापार कम्पनीका प्रमुख कार्यकारी अधिकृत लगायतको सहभागिता थियो । वैठकमा चैते धानको हालको अवस्था ,किसानले उचित मुल्य नपाउनुका कारण, भारतवाट हाल चामल आयातको अवस्था , खाद्य व्यवस्था तथा व्यापार कम्पनीमा धान,चामलको मौज्दात अवस्था , खाद्यले किसानको चैते धान खरिद गर्न सक्ने अवस्था र भण्डारण क्षमता लगायतका विषयमा छलफल भएको छ ।
दुई मन्त्रालय वीच हाल खाद्य व्यवस्था तथा व्यापार कम्पनी सँग प्रयाप्त भण्डारण क्षमता नभएकाले यसका लागि पहल गर्ने, चामल ,चिउरा र भुजिया निर्यातका लागि सम्वन्धीत निकाय सँग समन्वय गर्ने, खाद्य मार्फत धान खरिद गर्नका लागि अर्थ मन्त्रालय सँग वजेट लगायतका विषयमा पहल गर्ने निर्णय भएको छ ।

वैठकमा कृषिमन्त्री अधिकारीले जसरी र जुन व्यवस्था गरेर हुन्छ किसानले चैते धानको उचित मुल्य पाउनका लागि सम्वन्धीत निकायको पहल आवश्यक रहेकोमा जोड दिनुभयो । उधोग मन्त्री भण्डारीले कृषि , उद्योग, अर्थ मन्त्रालय र राष्ट्रिय योजना आयोग समेत वसेर समस्याको समाधान र यस विषयमा आगामी रणनीति तय गर्नुपर्ने वताउनुभयो । वैठकमा कृषि तथा पशुपन्छी विकास मन्त्रालयका सचिव डा.गोविन्द प्रसाद शर्मा , वाणिज्य तथा आपुर्ति सचिव डा.रामप्रसाद घिमिरे र खाद्य व्यवस्था तथा व्यापार कम्पनीका प्रमुख कार्यकारी अधिकृत रमेश आचार्यले हालको अवस्था वारे जानकारी गराउनुभएको थियो । सरकारले चैते धानको न्युनतम समर्थन मुल्य प्रति क्विन्टल २८ सय ६९ पैसा तोके पनि झापा लगायत पुर्व र पश्चिमका जिल्लाहरुमा किसानले १५ देखि १६ सय रुपैयामा विक्रि गर्नुपर्ने अवस्था आएको वताएका छन । हाल डेढ लाख मेट्रिक टनको हाराहारीमा किसान सँग विक्रिका लागि रहेको अनुमान छ । पछिल्लो समय मात्र भारतवाट ३१अर्व जतिको चामल आयत भएको छ ।