बेपत्ता बस र यात्रु खोज्न भारतीय टोली नेपाल आईपुगे

काठमाण्डौ – नारागणगढ–मुग्लिन सडकखण्ड अन्तर्गत चितवनको सिमलतालमा पहिरोसँगै त्रिशूलीमा खसेका दुई बस र यात्रुको खोजीका लागि भारतको खोज तथा उद्धार टोली नेपाल आइपुगेको छ।

भारतको नेसनल डिजास्टर रेस्पोन्स फोर्स (एनडीआरएफ) को १२ सदस्यीय टोली सिमलताल घटनाको खोज तथा उद्धारका लागि गएराति सुनौली नाका हुँदै नेपाल आएको राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख अनिल पोखरेलले जानकारी दिनुभयो । उहाँकाअनुसार टोली भैरहवामा बसेर घटनास्थल चितवनतर्फ आइपुग्दैछ।

टोलीले आजैदेखि काम थाल्ने प्राधिकरणका कार्यकारी प्रमुख पोखरेलले बताउनुभयो । पानीमुनि खोजी गर्न प्रयोग हुने यन्त्र उपकरणलगायत सेटसहित टोली आएको छ । भारतीय उद्धार टोलीले तीन वटा अत्याधुनिक सोनार उपकरण पनि ल्याएका जानकारी प्राप्त भएको छ ।