छिमेक लघुवित्त वित्तीय संस्था कोहलपुर क को १४ औँ ग्राहक गुनासो सुनुवाई भेला सम्पन्न

बाँके । ‘ ग्रामीण विकासको आधार, लघुवित्तको गुणात्मक विस्तार ’ भन्ने मूल नाराका साथ छिमेक लघुवित्त वित्तीय संस्था लिमिटेड कोहलपुर ‘ क ’ शाखा कार्यालयको १४ औँ ग्राहक / सदस्य गुनासो सुनुवाई ( इकाई भेला ) भव्यताका साथ सम्पन्न भएको छ । नेपालकै उत्कृष्ट लघुवित्त वित्तीय संस्थाहरू मध्ये एक मानिने छिमेक लघुवित्तले यस कार्यक्रम मार्फत ग्रामीण विकासमा आफ्नो योगदानलाई पुनः प्रमाणित गरेको छ । कार्यक्रममा कोहलपुर ‘ क ’ शाखाका शाखा प्रबन्धक संकल्प लामिछानेले संस्थाको वि.सं. २०८१ माघ मसान्त सम्मको प्रतिवेदन प्रस्तुत गरेका थिए, भने संस्थाको प्रगति र गतिविधिहरू बारे पनि विस्तृत जानकारी गराएका थिए ।

उक्त कार्यक्रममा संस्थाका प्रदेश प्रबन्ध रामनाथ महतोको विशेष उपस्थिति रहेको थियो, महतोले छिमेक लघुवित्तमा आबद्ध भएका सदस्यहरूलाई नेपालमा लघुवित्त वित्तीय संस्थाको भूमिका र आवश्यकताको बारेमा जानकारी दिँदै गरिब सदस्यहरूलाई संस्थाले गरेको सहयोग बारे पनि व्याख्या गरेका थिए, भने महतोले संस्थाको सामाजिक उत्तरदायित्व र सदस्यहरूको आर्थिक सशक्तीकरणमा केन्द्रित गतिविधिहरू बारे पनि प्रकाश पारेका थिए । यस्तै, उक्त कार्यक्रममा केन्द्रिय कार्यालयका प्रतिनिधी प्रेम नायजुले गरिब तथा विपन्न वर्गका सदस्यहरुलाई अझ बढी वित्तिय साक्षरताको आवश्यकता र महत्व रहेको बारेमा प्रकाश पारेका थिए । उक्त कार्यक्रममा छिमेक लघुवित्त वित्तीय संस्थाका अनुगमन अधिकृत सन्जय राज विष्टले संस्थाले दिने सेवा / सुविधाको बारेमा जानकारी दिएका थिए । त्यस्तै, कार्यक्रममा राजेन्द्र पन्थबाट कर्जा तथा ब्याज दर र सूचना तथा प्रविधि सहायक रुपेश राज पन्थले संस्थाले ल्याएको डिजिटल कार्यक्रमको बारेमा जानकारी गराएका थिए ।

उक्त कार्यक्रमको १० वटा उत्कृष्ट समूहलाई नगद पुरस्कार र सम्मान – पत्र प्रदान गरिएको थियो, भने उक्त समूहका १० जना छोरीहरुलाई छात्रवृत्ति वितरण गरिएको थियो । साथै, उत्कृष्ट ३ जना सफल व्यवसायी सदस्यहरुलाई नगद पुरस्कार र प्रमाण – पत्र प्रदान गरिएको थियो । यसैगरी, वि.सं. २०८० सालको माध्यमिक शिक्षा परीक्षा ( एसईई ) मा उत्कृष्ट जिपिए ल्याउन सफल भएका संस्थामा आवद्ध सदस्यको २ जनालाई १५ हजार रुपैयाँ नगद पुरस्कार र सम्मान – पत्र प्रदान गरिएको थियो । त्यसैगरी, उक्त कार्यक्रममा २ जना सदस्यहरूका छोरीहरुले नृत्य प्रस्तुत गरेका थिए, भने उनीहरूलाई शुभ – कामना सहित नगद पुरस्कार प्रदान गरिएको थियो । उक्त कार्यक्रमले छिमेक लघुवित्त वित्तीय संस्था लिमिटेडको सदस्यहरूको आर्थिक र सामाजिक उन्नतिमा गरेको योगदानलाई प्रकाशमा ल्याएको छ । संस्था नेपालकै उत्कृष्ट लघुवित्त संस्थाको रूपमा परिचित छ र यसले गरिब तथा आर्थिक रूपमा कमजोर वर्गलाई आर्थिक सहयोग पुर्‍याउन महत्त्वपूर्ण भूमिका खेलिरहेको छ ।