धादिङमा सवारी दुर्घटना हुँदा १ जनाको मृत्यु, १ जना घाइते

गजुरी गाउँपालिका–१ गजुरीबजारमा ट्रकले मोटरसाइकललाई ठक्कर दिदाँ एक जनाको मृत्यु भएको छ ।

मृत्यु हुनेमा धादिङको सिद्धलेक गाउँपालिका–६ का अन्दाजी १८ वर्षिय शनि घलेको मृत्यु भएको ईलाका प्रहरी कार्यालय गजुरीले बताएको छ ।

काठमाडौंबाट चितवनतर्फ जादैँ गरेको ना ६ ख २९२० नम्बरको ट्रकले सडक क्रस गर्दै गरेको प्रदेश ३–०२००६ प २५८७ नम्बरको मोटरसाइकललाई ठक्कर दिदाँ मोटरसाइकल चालक घलेको घटनास्थलमै मृत्यु भएको हो।

ठक्करबाट मोटरसाइकलमा पछाडी सवार गजुरी–१ नयाँबजारका अन्दाजी १५ बर्षका सुबिन बराईली घाईते भएका छन्। उनलाई उपचारको लागि काठमाडौँ लगिएको प्रहरीले बताएको छ । ठक्कर दिने ट्रक र ट्रकका चालकलाई नियन्त्रणमा लिईएको प्रहरीले जनाएको छ।