पत्रकार बिक्रम सुनार र प्रिति आलेको ‘निगाली झाँपो’ आउँदै

काठमाडौं । पत्रकार बिक्रम सुनारको ‘निगाली झाँपो’ बोलको गीत नेपाली संगीत बजारमा आउने भएको छ । चर्चित गायिका प्रिति आले मगर र सुनारको। आवाजमा रहेको उक्त गीत भदौ पहिलो साता नै नेपाली संगीत बजारमा आउन लागेको हो । सुनारले यसअघि पनि आफ्ना केही गीतहरु बजारमा ल्याइसकेका छन् । गायन यात्रालाई निरन्तरता दिने। क्रममा ‘निगाली झाँपो’ ल्याउन लागेको गायक सुनारले बताए । उनका अनुसार यो मौलिकपनसहितको गीत हो । ‘निगाली झाँपो’ को लय तथा शब्द सृजना कलाकार भुवन बिकेको रहेको छ । गीतमा भुवन बिकेले नै संगीत संयोजन गरेका छन् ।

‘निगाली झाँपो’को मुख्य अभिनयमा चर्चित कलकार अस्मिता रनपाल, यशु भट्टराई, अजय बिके, भुवन बिके, बिक्रम सुनार लगायतलाई देख्न सकिनेछ ।गीतको। म्युजिक भिडियो निर्देशन भने कमल थापाले गरेका छन् भने छायाङ्कन सुमन थापा र भिडियो सम्पादन विकास थापाले गरेका छन् ।